Navratri Aartis In English 2023|Nav Durga Aarti for Navratri

First Day Of Navratri-Maa Shailputri Aarti

Shailputri Maa bail asavaar, Kare Devata Jay Jay kaar॥
Shiv-Shankar ki priy Bhavaani, Teri mahima kisi ne na jaani॥

Paarvati tu Uma kahalaave, Jo tujhe sumire so sukh paave॥
Riddhi Siddhi paravaan kare tu, Daya kare dhanavaan kare tu॥

Somavaar ko Shiv sang pyaari, Aarati jisane teri utaari॥
Usaki sagari aas puja do, Sagare duhkh takaleef mita do॥

Ghee ka sundar deep jala ke, Gola garee ka bhog laga ke॥
Shraddha bhaav se mantr japaaye, Prem sahit fir sheesh jhukaaye॥

Jay Giraraaj Kishori Ambe, Shiv mukh chandr chakori Ambe॥
Manokaamana poorn kar do, Chaman sada sukh sampatti bhar do॥

।।Thus Shri Maa Shailputri Aarti Ends।।

2nd Day Of Navratri-Maa Brahmacharini Aarti

Jay Ambe Brahmacharini maata, Jay chaturaanan priy sukh daata॥
Brahma ji ke man bhaati ho, gyaan sabhi ko sikhalaati ho॥

Brahm mantr hai jaap tumhaara, jisako jape saral sansaara॥
Jay Gaayatri ved ki maata, Jo jan jis din tumhen dhyaata॥

Kami koi rahane na pae, Koi bhi dukh sahane na paye॥
Usaki virati rahe thikaane, Jo teri mahima ko jaane॥

Radraksha ki maala le kar, jape jo mantr shraddha de kar॥
Aalas chhod kare gunagaana, Maa tum usako sukh pahunchaana॥

Brahmacharini tero naam, Poorn karo sab mere kaam॥
Bhakt tere charanon ka pujaari, Rakhana laaj meri Mahataari॥

।।Thus Shri Maa Brahmacharini Aarti Ends।।

3rd Day Of Navratri-Maa Chandraghanta Aarti

Jay Maa Chandraghanta sukh dhaam, poorn keejo mere kaam॥
Chandr samaaj tu sheetal daati, Chandr tej kiranon mein samaati॥

Man ki maalak man bhaati ho, Chandraghanta tum var daati ho॥
Sundar bhaav ko laane vaali, har sankat mein bachaane vaali॥

Har Budhavaar ko tujhe dhyaaye, Shraddha sahit to vinay sunaye॥
Moorti chandr aakaar banaye, Sanmukh ghee kee jyot jalayen॥

Sheesh jhuka kahe man ki baata, poorn aas karo jagat daata॥
Kaancheepur sthaan tumhaara, Karnaatika mein maan tumhaara॥

Naam tera ratu Mahaaraani, Bhakt ki raksha karo Bhavaani॥

।।Thus Shri Maa Chandraghanta Aarti Ends।।

4th Day Of Navratri-Maa Kushmanda Aarti

Kushmanda Jay jag sukhadaani, Mujh par daya karo Mahaaraani॥
Pingala Jwaalaamukhi niraali, Shaakambari Maa bholi bhaali॥

Laakhon naam niraale tere, Bhakt kai matavaale tere॥
Bheema parvat par hai dera, Sveekaaro pranaam ye mera॥

Sabaki sunati ho Jagadambe, Sukh pahunchati ho Maan Ambe॥
Tere darshan ka main pyaasa, Poorn kar do meri aasha॥

Maa ke man mein mamata bhaari, kyon na sunegi araj hamaari॥
Tere dar par kiya hai dera, door karo Maan sankat mera॥

Mere kaaraj poore kar do, mere tum bhandaare bhar do॥
Tera daas tujhe hi dhyaaye, Bhakt tere dar sheesh jhukae॥

।।Thus Shri Maa Kushmanda Aarti Ends।।

5th Day Of Navratri-Maa Skandmata Aarti

Jay Teri ho Skandmata, Paanchavaan naam tumhaara aata।
Sabake man ki jaanan haari, Jag janani sabaki Mahataari॥

Teri jot jalaata rahoon main, Haradam tujhe dhyaata rahoo mai।
Kai naamon se tujhe pukaara, Mujhe ek hai tera sahaara॥

Kai pahaadon par hai dera , Kai shaharon mein tera basera।
Har mandir mein tere najaare, Gun gaaye tere bhakt pyaare॥

Bhakti apani mujhe dila do, Shakti meri bigadi bana do।
Indr aadi devata mil saare, Kare pukaar tumhaare dvaare॥

Dusht daity jab chadh kar aaye, Tu hi khand haath uthae।
Daason ko sada bachaane aayi, Bhakt ki aas pujaane aayi॥

।।Thus Shri Maa Skandmata Aarti Ends।।

6th Day Of Navratri-Maa Katyayani Aarti

Jay Jay Ambe Jay Katyayani, Jay Jag Maata jag ki Mahaaraani॥
Baijanaath sthaan tumhaara, Vaha Varadaati naam pukaara॥

Kai naam hai kai dhaam hai, yah sthaan bhi to sukhadhaam hai॥
Har mandir mein jyot tumhaari, kahi Yogeshvari mahima nyaari॥

Har jagah utsav hote rahate, har mandir mein bhagat hai kahate॥
Katyayani rakshak kaaya kei, Granthi kaate moh maaya ki॥

Jhoothe moh se chhudaane vaali, apana naam japaane vaali॥
Brihaspativaar ko pooja karie, dhyaan Katyayani ka dhariye॥

Har sankat ko door karegi, bhandaare bharapoor karegi॥
Jo bhee maan ko bhakt pukaare, Katyayani sab kasht nivaare॥

।।Thus Shri Maa Katyayani Aarti Ends।।

7th Day Of Navratri- Maa Kalratri Aarti

Kalratri Jay Jay Mahaakaali, Kaal ke munh se bachaane vaali॥
Dusht sanghaarak naam tumhaara, Mahaachandi tera avataara॥

Prithvi aur aakaash pe saara, Mahaakaali hai tera pasaara॥
Khadg khappar rakhane vaali, Dushton ka lahoo chakhane vaali॥

Kalakatta sthaan tumhaara, sab jagah dekhoon tera najaara॥
Sabhi Devata sab Nar-Naari, gaaven stuti sabhi tumhaari॥

Raktadanta aur annapoorna, kripa kare to koi bhi duhkh na॥
Na koi chinta rahe na beemaari, Na koi gam na sankat bhaari॥

Us par kabhi kasht na aave, Mahaakaali maan jise bachaave॥
Tu bhi bhakt prem se kah, Kalratri Maa teri jay॥

।।Thus Shri Maa Kalratri Aarti Ends।।

8th Day Of Navratri-Maa Mahagauri Aarti

Jay Mahagauri jagat ki maaya, Jay Uma Bhavaani Jay Mahaamaaya.
Haridvaar Kanakhal ke paasa, Mahagauri tera vaha nivaas.

Chandrakali aur mamata Ambe, Jay shakti jay jay Maa Jagadambe.
Bheema devi Vimala Maata, Kaushik devi jag vikhyata.

Himaachal ke ghar Gauri roop tera, Mahaakaali Durga hai svaroop tera.
Sati (sat) havan kund mein tha jalaaya, Usi dhuyen ne roop Kaali banaaya.

Bana dharm Sinh jo savaari mein aaya, to Shankar ne trishool apana dikhaaya.
Tabhi maan ne Mahagauri naam paaya, Sharan aanevaale ka sankat mitaaya.

Shanivaar ko teri pooja jo karata, Maa bigada hua kaam usaka sudharata.
Bhakt bolo to soch tum kya rahe ho, Mahagauri maan teri haradam hi jay ho.

।।Thus Shri Maa Mahagauri Aarti Ends।।

9th Day Of Navratri-Maa Siddhidatri Aarti

Jay Siddhidatri Maa too siddhi ki daata, Tu bhakton ki rakshak tu daason ki Maata॥
Tera naam lete hi milati hai siddhi, Tere naam se man ki hoti hai shuddhi॥

Kathin kaam siddh karati ho tum, Jabhi haath sevak ke sir dharati ho tum॥
Teri pooja mein to na koi vidhi hai, Tu Jagadambe Daati tu sarv siddhi hai॥

Ravivaar ko tera sumiran kare jo, Teri moorti ko hi man mein dhare jo॥
Tu sab kaaj usake karati hai poore, Kabhi kaam usake rahe na adhoore॥

Tumhaari daya aur tumhaari yah maaya, Rakhe jisake sir par Maiya apani chhaaya॥
Sarv siddhi daati vah hai bhaagyashaali, Jo hai tere dar ka hi Ambe savaali॥

Himaachal hai parvat jahaan vaas tera, Maha nanda mandir mein hai vaas tera॥
Mujhe aasara hai tumhaara hi maata, Bhakti hai savaali too jisaki daata॥

।।Thus Shri Maa Siddhidatri Aarti Ends।।